Mëlçia kryen shumë funksione, filtron gjakun dhe shpërbën ushqimin. Është një nga organet më të mëdha dhe më të rëndësishme të organizmit. Kur keni kancer të mëlçisë, disa qeliza rriten jashtë kontrollit dhe formojnë një tumor. Kjo mund të ndikojë në funksionet e mëlçisë.
Simptomat
Shumica e njerëzve nuk vërejnë asnjë shenjë të kancerit të mëlçisë në fazat e tij të hershme, por kur ai avancon, mund të:
Ndjeheni të ngopur ose nuk doni të hani,
• ndjeni një fryrje nën anën e djathtë të kafazit të kraharorit,
• ndjeni dhimbje në anën e sipërme të djathtë të barkut ose në afërsi të shpatullës së djathtë,
• keni çrregullime në stomak,
• keni ënjtje të barkut,
• ndjeheni të lodhur dhe të dobët,
• keni humbje ose shtim në peshë,
• vini re një ngjyrë të verdhë në lëkurën tuaj dhe të bardhën e syve.
Disa sëmundje mund t’ju rrezikojnë të merrni kancerin e mëlçisë, duke përfshirë:
Hepatiti B afatgjatë, ose viruset C që sulmojnë dhe dëmtojnë mëlçinë.
Cirroza – një dëmtim i mëlçisë që indet e shëndetshme i zëvendëson me inde të dëmtuara.
Sëmundje yndyrore joalkolike – një rritje e yndyrës në mëlçi.
Sëmundjet e mëlçisë me të cilat lindni, si sëmundja e Wilsonit (kur keni shumë bakër në mëlçi).
Gjithashtu alkooli, mbipesha dhe Diabeti janë rrezik për këtë.
Toksinat ngrenë shanset
Disa prej tyre mund të shkaktojnë kancer të mëlçisë, duke përfshirë:
Aflatoksina: Helmet e bëra nga myku që mund të rriten në disa ushqime si misri dhe kikirikët, nëse nuk janë ruajtur në mënyrën e duhur.
Arseniku: një kimik që nganjëherë gjendet edhe në ujin e pijshëm.
Dioksidi i troriumit: një substancë e përdorur në disa lloje të rrezeve X.
Vinyl chloride: një kimik i përdorur për të bërë lloje të caktuara të plastikës.
Llojet më të zakonshme
Karcinoma hepatocelulare (HCC) ndodh në qelizat kryesore të mëlçisë, të quajtura hepatocite. HCC zakonisht shkakton një tumor që rritet me kalimin e kohës. Por nëse keni cirrozë dhe HCC, ka shumë të ngjarë që shumë tumore të vogla të përhapen në të gjithë mëlçinë.
Testet
Nëse mjeku mendon se mund të keni kancer të mëlçisë, ai mund të rekomandojë:
Biopsi: marrja e një mostre të vogël të mëlçisë për ta testuar për kancerin.
Testet e gjakut: Këto kontrollojnë se si punon mëlçia juaj dhe kërkon gjëra në gjakun tuaj që mund të jenë shenja të kancerit, të quajtur tumor-markers.
Testi i imazhit: Kjo mund të jetë një ultratingull, CT, MRI ose një angiogram, i cili është një lloj rreze X që shikon në enët e gjakut.
Këto faza ju tregojnë se sa është përhapur kanceri juaj
Faza I: Një tumor që nuk është përhapur në asnjë vend tjetër.
• Faza II: Një tumor që përhapet në enët e gjakut, ose më shumë se një tumor, por të gjitha më të vogla se 5 cm.
• Faza III: Një tumor që përhapet në enët e mëdha të gjakut ose organet e afërta, ose më shumë se një tumor dhe së paku njëri prej tyre është më i madh se 5 cm.
Ju mund t’i ulni shanset për të pasur kancer të mëlçisë
Shmangni
– Shmangni pirjen e alkoolit.
– Shmangni pirjen e duhanit.
– Shmangni substancat e dëmshme të tilla si droga dhe kokaina.
– Shmangni antibiotikët dhe ilaçet kimike që shkatërrojnë indet e mëlçisë.
– Shmangni ushqimet me ngjyra artificiale dhe ushqimet me yndyrë.
– Mos përdorni barna intravenoze (IV).
– Mos bëni tatuazhe
Përmbajuni një diete të shëndetshme
– Pini lëngje perimesh dhe frutash të papërpunuara.
– Konsumoni yndyrna të shëndetshme; vaj i ulliri, vaj peshku, vaj kokosi.
– Shtoni panxhar dhe karrota. në dietën tuaj.
– Perimet me gjethe jeshile
– Pini ujë mjaftueshëm: Kaq e thjeshtë, por shumë njerëz janë kronikisht të dehidruar (alkooli dhe pijet e gazuara nuk llogariten si ujë).
– Shtoni ushqimet e pasura me vitaminë C.
– Drithërat e plota si misri, gruri i zi, tërshëra.
Arti i të jetuarit
– Mos e teproni në ngrënie.
– Ruani peshën tuaj ideale.
– Nëse jeni diabetik, mbani nën kontroll dhe në nivele normale glukozën.
– Ushtrohuni rregulisht; Mbani mend ushtrimet fizike përmirësojnë shëndetin fizik dhe emocional.
Nëse i përmbaheni një diete të shëndetëshme, mëlçia do të qëndrojë e shëndetëshme për shumë kohë. Por njëkohësisht duhet të shmangni produktet e dëmshme për trupin dhe mëlçinë.
