VENDET PERËNDIMORE MUNDOHEN TË “PËRQAFOJNË” ISLAMIN DHE MYSLIMANËT

0
256

Përmasat që kanë arritur ofendimet kundër ndjenjave fetare ndërkohë që vazhdojnë reagimet ndaj filmit antiislam i kanë shtyrë vendet të marrin masa të ndryshme.

Shndërrimi në dhunë i protestave që nisën bashkë me shfaqjen e filmit antiislam dhe fyes me titullin “Fitne” (Sprova) i vunë në lëvizje vendet ku jetojnë me miliona myslimanë.

Rusia me anë të një ligji të ri ka vendosur dënime të rënda për sulmet që bëhen kundër islamit. Gjermania po e paralajmëron popullin e vet për të treguar më shumë tolerancë ndaj komunitetit mysliman.

Pas mesazheve që kanë ardhur dhe masave të marra nga Rusia dhe Gjermania për përqafimin e islamit dhe myslimanëve një hap i ngjashëm në këtë drejtim ka ardhur edhe nga Franca.

Përmasat që kanë arritur protestat ndaj filmit antiislam e kanë vënë në lëvizje edhe Francën.

Mesazhet që u dhanë në ceremoninë e organizuar në qytetin Strasburg për inaugurimin e xhamisë më të madhe të Francës ishin në cilësinë edhe përqafuese, edhe paralajmëruese.

Edhe Ministri i Punëve të Brendshme, Manujel Vals (Manuel Valls) në fjalën që mbajti në hapjen e xhamisë së re, ndërtimin e të cilës e penguan politikanët konservatorë dhe racistë, i dha mesazhet duke pasur parasysh këtë realitet.

“Në Francë ka vend për islamin, pasi edhe islami i Francës është njëkohësisht vetë Franca” u shpreh Vals. “Republika po ju zgjat dorën. Tani e ka radhën islami që të ecë drejt Republikës”, shtoi ai.

Ministri Vals i kërcënoi me deportim të huajt që jetojnë në Francë në rast se ata nuk do të respektojnë ligjet dhe vlerat e këtij vendi.

Punimet për ndërtimin e xhamisë së madhe të Strasburgut kanë nisur 20 vite më parë dhe për realizimin e këtij projekti janë harxhuar 10 milionë e 500 mijë euro.

Pjesën më të madhe të financimin e kanë përballuar vendet si Maroku, Arabia Saudite dhe Kuvajti.

Një ndihmë për ndërtimin e xhamisë kanë dhënë edhe qeverisjet vendore duke hyrë kështu në historinë e Francës si xhamia e parë e ndërtuar me fonde publike.

Xhamia ka një hapësirë shfrytëzimi prej 1 mijë e 300 metrash katrorë dhe brenda mund të falen njëkohësisht 1 mijë e 500 vetë.kohaislame