Siç konfirmon ”Wall Street Journal”,.gjiganti informatik ”Apple” po punon aktualisht për ndërtimin e veturës së saj elektrike që do të ketë formën e një makine mini-fugon.
”Qindra punonjës të grupit ”Apple” janë punësuar për këtë projekt të fshehtë të quajtur “Titan” dhe disa drejtues kanë shkuar në Austri për të marrë informacione nga prodhuesit e makinave”, theksoi e përditshmja amerikane.
“Kompania ”Apple” shpreson të lërë gjurmë në tregun e makinave elektrike ashtu si tek smartfonët me ‘iPhone-n”, shkruan e përditshmja duke cituar burime të brendshme të kompanisë.
”Apple” po bashkëpunon gjithashtu me disa kompani që merren me prodhimin e makinave. Kompania ka punësuar këto vitet e fundit disa inxhinierë dhe dizanjerë që kanë pasur eksperienca të mëparshme me inxhinierinë mekanike.
