Në pjesën e autostradës mes Singenit dhe Shtutgartit në të kaluarën janë zhvilluar gjithmonë gara të paligjshme të makinave, në të cilën shpesh ishin përfshirë edhe zviceranët. Si duket, ky spektakël duhet të ketë përfunduar.
Pas një lufte të ashpër, të Gjelbrit dhe CDU në Baden-Württemberg të hënën në mbrëmje kanë rënë dakord për një kompromis, përcjell albinfo.ch.
Sipas kësaj, një limit shpejtësie prej 130 kilometrash në orë do të zbatohet në një pjesë afërsisht 18 kilometrash mes Engen dhe Geisingen. Fillimisht, Ministria e Transportit në Freiburg donte të mbulonte një distancë prej 42 kilometrash me një limit shpejtësie prej 120 km / h.
Paralelisht me kufirin e shpejtësisë, një fushatë informacioni është planifikuar, e cila do të bëjë të njohur rregulat e reja, sidomos për zviceranët. Këta të fundit duhet të njoftohen për legjislacionit e ri. Përveç kësaj, policia duhet të vazhdojë kontrollet kundër shoferëve të shpejtë.
