Gazsjellësit TANAP dhe TAP do të krijojnë tregun e ri të qëndrueshëm të energjisë në rajon tha Ministri i Energjetikes dhe Burimeve Natyrore të Turqisë, Berat Allbajrak (Berat Albayrak) në Selanik me rastin e fillimit të punimeve të TAP.
Ministri i Energjetikes dhe Burimeve Natyrore të Turqisë, Berat Allbajrak (Berat Albayrak) në fjalën që mbajti në ceremoninë e organizuar në Selanik të Greqisë për hedhjen e themeleve të projektit të Gazsjellësit Trans-Adriatik (TAP), i cili do të bartë në Evropë rezervat e gazit natyror të Azerbajxhanit, tha se gazsjellësit Trans-Anadolli (TANAP) dhe Trans-Adriatik (TAP) janë pikënisja e krijimit në rajon të një tregu të ri dhe të qëndrueshëm energjetik.
Për Evropën gazi natyror është një burim i rëndësishëm energjie dhe kështu ka për të mbetur, u shpreh ministri Allbajrak duke shprehur gatishmërinë e Turqisë për të biseduar për çdo lloj transporti të gazit natyror.
Në kuadër të projektit prioritar për BE-në, “Korridori i Jugut”, do të ndërtohen gazsjellësit Trans-Anadolli (TANAP), i cili do të fillojë që nga kufiri i Turqisë me Gjeorgjinë dhe do të vazhdojë deri në kufirin perëndimor të Turqisë, si dhe gazsjellësi Trans-Adriatik (TAP), i cili do të mbërrijë në Itali duke kaluar poshtë Detit Adriatik.
