Arta Rama – Hajrizi në krye të Kushtetueses

Gjyqtarja Arta Rama – Hajrizi është zgjedhur në krye të Gjykatës Kushtetuese, ndërsa postin do ta marrë pasi që të përfundojë mandati i Enver Hasanit.
 
Lajmin e ka bërë me dije Kushtetuesja, përmes një njoftimi të shkurtër për media.
 
“Në seancën e mbajtur të enjten, më 21 maj 2015, në përputhje me Nenin 114, pika 5, të Kushtetutës së Republikës së Kosovës, gjyqtarët e Gjykatës Kushtetuese të Kosovës kanë zgjedhur gjyqtaren, mr. sc. Arta Rama-Hajrizi, kryetar të ri të Gjykatës.
 
Gjyqtarja Arta Rama-Hajrizi do të marrë postin e Kryetarit të Gjykatës Kushtetuese të Kosovës pasi të përfundojë mandati i kryetarit aktual të Gjykatës, prof. dr. Enver Hasani, më 26 qershor 2015”, thuhet në njoftim.
 
Mandati i Kryetarit të Gjykatës Kushtetuese të Kosovës është tri vjet./Koha
Artikulli paraprakKongresi i SHBA-së kritikon vendimin e dënimit me vdekje të Mursit
Artikulli vijuesGjermanët, 220 punëtorë në një “call centro”