Janjiq: Nuk do të kalonte aktakuza e Kosovës kundër Serbisë

0
236

Pas arsyetimit në kontestet për gjenocid me Bosnjë e Hercegovinë dhe me Kroacinë, është e qartë se as aktakuza eventuale e Kosovës kundër Serbisë nuk do të mund të kalonte.

 

Kështu ka deklaruar drejtori i Forumit për marrëdhënie etnike Dushan Janjiq.

 

“Gjyqi Ndërkombëtar iu përmbahet rregullave strikte në definimin e gjenocidit. Ndoshta është konservativ, ndoshta nuk është, por këto rregulla nuk përmbushen në rastin e Kosovës”, i ka thënë Betas së Beogradit Janjiq, transmeton Koha.net.

 

Ai kështu e ka komentuar deklaratën e zëvendësministrit të jashtëm të Kosovës Petrit Selimi se çështja e gjenocidit dhe e dëmeve të luftës që Serbia ia ka bërë Kosovës do të hapet brenda një kohe të caktuar.

 

“Mendoj se deklarata është më pak juridike e më shumë e politikës ditore, madje marrë para sysh edhe atë se Kosova ka nevojë bashkëpunimi me Beogradin për Marrëveshjen e Brukselit dhe prandaj, me siguri se nuk do të realizohen deklaratat e Selimit”, ka vlerësuar ai.

 

Tema në Bruksel, siç ka thënë Janjiq, do të jetë edhe dëmi bërë ndërmarrjeve të në Kosovë, por duhet bërë dallimin çfarë është shkatërruar nga bombardimet e NATO-s dhe çfarë kanë bërë njësitë ushtarake të RFJ-së.

 

Ai për këtë e ka marrë shembull Fabrikën e auto pjesëve në Pejë.

 

“Ekziston afati përfundimtar, në qershor, kur Gjermania e merr kryesimin e BE-së dhe atëherë do të bëhet tërheqja e vijës. Jam i sigurt se as pala serbe dhe as ajo shqiptare nuk e dëshiron vendosjen e rendit gjerman”, ka thënë Janjiq.

 

© KOHA.net