Babai i futbollistit të Galatasarayt, Umut Bulut, është vrarë në sulmin me bombë në Ankara.
Mediet turke raportojnë se në mesin e viktimave në shpërthimin me bombë në Ankara është edhe babai i futbollistit të njohur turk Umut Bulut, Kemal Bulut.
Umut ishte edhe vetë në Ankara me skuadrën e Galatasarayt, për ndeshjen ndaj Gençlerbirliğit dhe babai i tij është vrarë teksa po kthehej në shtëpi nga stadiumi, raporton hurriyetdailynews.com.
37 persona kanë humbur jetën dhe mbi 100 të tjerë u plagosën, pas një sulmi terrorist në Ankara ditën e djeshme.
