Mbi 5.000 persona në Arabi Saudite kanë kaluar në fenë islame nëpërmjet telefonit celular vetëm gjatë vitit të parë të themelimit të një shërbimi të posaçëm. Shërbimi i posaçëm, i quajtur “Më kalo në islam”, i cili ofrohet në 12 gjuhë të ndryshme, ka për qëllim të ngrit vetëdijen në mesin e entiteteve pakicë në këtë vend, bëjnë të ditur mediat lokale.
Secili person, me anë të mesazhit SMS, mund të dërgojë emrin, mbiemrin dhe numrin e telefonit të një personi që nuk është mysliman – e që do të mund të kalonte në fenë islame.
Më pastaj këta numra të telefonit u dërgohen hoxhallarëve dhe mësimdhënësve të fesë islame, të cilët i kontaktojnë këta persona – për t’i njoftuar ata me fenë islame.
Nëse personi në fjalë është i interesuar të komunikojë – atëherë thirrjet bëhen edhe më të shpeshta.
Deri më tash janë dërguar rreth 800.000 mesazhe të tilla, ndërsa iniciatori i kësaj ideje ka fituar 32.000 dollarë vetëm në vitin e parë. Kjo iniciativë dhe këto vlera janë vetëm të vitit të parë, 2010./kohaislame.com
