Zvicra, sanksione të reja kundër Sirisë

0
171

Zvicra zgjeron listën e sanksioneve kundrejt regjimit të Sirisë. Këshilli Federal, siç njofton Sekretariati Shtetëor për Ekonomi (Seco)  ka vendosur që t`ia ndalojë Sirisë të furnizohet përmes Zvicrës me karburante për aeroplanët e saj.

 

Po ashtu Zvicra nuk do t`i ofrojë më Sirisë në shërbim mjete financiare dhe sigurime që lidhen me këto fusha. Duke vendosur kështu, Këshilli Federal ka plotësuar edhe me një dispozitë urdhëresën mbi marrjen e masave kundër Sirisë.

 

Qeveria e Zvicrës për herë të parë kishte vendosur sanksione kundër Sirisë para katër vitesh, paralelisht me vendet e Bashkimit Evropian. Nga ajo kohë, sanksionet janë përtëritur dhe zgjeruar disa herë./albinfo