Ministri i Financave, Avdullah Hoti që vjen nga Lidhja Demokratike e Kosovës kë reaguar pas miratimit të Vendimit për blerjen e Autobusëve nga Kuvendi Komunal i Prishtinës.
Hoti në këtë reagim të bërë në Facebook meritat për krejt këtë punë ia ka lenë bashkëpartiakut Halim Halimit, që është kryesues i Kuvendit Komunal të Prishtinës. Ministri Hoti po ashtu ka premtuar se këtë çështje do ta procedojnë për votim në Kuvendin e Kosovës.
Ky është postimi i plotë i Hotit:
Falënderoj kryesuesin e Kuvendit Komunal të Prishtinës, z. Halim Halimi për futjen në rend të ditës votimin e garancisë për kredinë e Trafikut Urban për blerjen e autobusëve.
Falënderoj këshilltarët e Asamblesë Komunale për votimin e kërkesës ligjore të Ministrisë së Financave, e bazuar plotësisht në Ligjin për Borxhin Publik. Pas kalimit të kësaj pengese, që konsideroj që ishte e panevojshme, këtë çështje do ta procedojmë për votim në Kuvendin e Kosovës.
Votimi i sotëm i Asamblesë komunale, duhet të shihet vetëm si fitore e kërkesës për zbatueshmerinë e ligjit në Kosovë.
