Biskotat e kompanisë serbe “Crvenka”, “Jaffa” janë duke u shitur në treg të mykura dhe me gjasë edhe me afat të skaduar.
Qytetarët janë shqetësuar kur i kanë parë biskotat duke u shitur me këtë gjendje, pamje të mbuluar nga myku.
Lexuesit e portalit INFOKUSI i kanë dërguar këto foto duke treguar se këto produkte të mykura janë duke u shitur me shumicë në tregun e Kosovës.
Ata kanë thënë se e kanë njoftuar edhe inspektoratin por se nuk e dinë nëse ata kanë ndërmarr masa.
“Sasia e keksëve Jaffa me këtë pamje të gërditshme ka qenë e madhe. Nuk ishte vetëm një por thuajse të gjitha në atë raft dhe ky nuk është rasti i parë qe i kam parë”, ka thënë ky lexues i portalit INFOKUSI.
Ndryshe, biskotat “Jaffa” prodhohen në Serbi nga kompania “Crvenka” e Gornji Milanovacit. Përfaqësues i produkteve të tyre për Kosovë është kompania “Buçaj”, e cila është në pronësi të Xhevat Isufi. /INFOKUSI
