Shefi rus i Diplomacisë, Sergei Lavrov deklaroi se kujdesej që të mos e kishte smartfonin e tij me vete kur negocionte për dosje të rëndësishme për të evituar që të përgjohej nga CIA.
Shefi rus i Diplomacisë, Sergei Lavrov deklaroi se kujdesej që të mos e kishte smartfonin e tij me vete kur negocionte për dosje të rëndësishme për të evituar që të përgjohej nga CIA.
Ministri rus i Punëve të Jashtme, i zakonshëm në negociatat për dosje ndërkombëtare të komplikuara, si lufta në Siri, konflikti ukrainas apo më parë programi bërthamor iranian, ishte marrë në pyetje pas publikimeve të “Wikileaks” për një program piraterie të CIA-s që mundësonte për shembull transformimin e një smartfoni ose televizori në një pajisje përgjimi.
“Personalisht, përpiqem që të mos e kem me vete telefonin kur kam negociata që kanë të bëjnë me çështje delikate”, deklaroi Lavrov gjatë një konference për shtyp me homologun e tij gjerman, Sigmar Gabriel.
“Dhe për momentin, kjo më ka mundësuar që të mos gjendem në ndonjë situatë të pakëndshme”, shtoi shefi rus i diplomacisë.
“Piratët e CIA-s mund të hyjnë në smartfonë, televizorë, por gjithashtu, kam dëgjuar, edhe në frigoriferë, për të krijuar probleme në rrjetet elektrike”, ka ironizuar ai më pas.
